ពាក្យសម្ងាត់ ដែលបង្កប់ក្នុងសញ្ញាផ្កាយ (*)

គេហទំព័រមួយចំនួនធំក្នុងព្រះរាជាណាចក្រកម្ពុជា បានលើកឡើងរួចមកហើយទាក់ទងនឹងប្រធានបទនេះ ដោយប្រើកូដ JavaScript។ ប៉ុន្តែពេលនេះគេហទំព័រ “ដើម្បីសិស្ស និស្សិតខ្មែរ” សូមលើកយកប្រធានបទនេះម្តងទៀតមកបង្ហាញ ដោយប្រើវិធីសាស្រ្តផ្សេងមួយទៀត។

ដើម្បីមើល ពាក្យសម្ងាត់ ដែលបង្កប់ក្នុងសញ្ញាផ្កាយ (*) សូមលោកអ្នកបើកគេហទំព័រនោះតាមរយៈ Google Chrome ឬ Mozilla FireFox បន្ទាប់មក ចុចម៉ៅស្តាំលើ ប្រអប់ដែលដាក់ពាក្យសម្ងាត់ ហើយចុចលើពាក្យ Inspect element

បន្ទាប់មក នៅផ្នែកខាងក្រោមនៃ Browser អ្នកនឹងឃើញប្រអប់មួយដែលមានដាក់កូដទាំងឡាយរបស់ គេហទំព័រជាភាសា HTML សូមលោកអ្នកកែពាក្យ Password ដែលនៅលើបន្ទាត់ដែល អ្នកកំពុងតែឈរលើ (វាតែងតែឈរលើដោយស្វ័យប្រវត្តិ នៅពេលដែលអ្នកចុចពាក្យ Inspect element) ដោយគ្រាន់តែចុចម៉ៅខាងឆ្វេង ២ដងលើពាក្យ Password ហើយប្តូរមកពាក្យ Text វិញជាការស្រេច។