មន្រ្តីជនជាតិឥណ្ឌូនេស៊ីម្នាក់ ទះកំភ្លៀងអ្នកបំរើស្រីម្នាក់ បន្ទាប់ពីនាងស្នើរឲ្យបិទទូរស័ព្ទ
សុក្រ ១៤ មិថុនា, ២០១៣ ម៉ោង ១៤:០៣យោងតាមប្រភពព័ត៌មាន Indoboom របស់ប្រទេសឥណ្ឌូនេស៊ី បានឲ្យដឹងថា មន្រ្តីផ្នែកសម្របសម្រួល ការវិនិយោគទុន នៅក្នុងតំបន់ មានឈ្មោះថា Zakaria Umar Hadi បានស្តីបន្ទោសឲ្យអ្នកបំរើស្រី ដែលធ្វើការនៅក្នុងអាកាសយានដ្ឋាន Soekarno-Hatta International Airport បន្ទាប់ពីនាងស្នើរសុំឲ្យលោកបិទទូរស័ព្ទដៃ។ ប្រភពដដែរបានបន្តទៀតថា អ្នកបំរើស្រីរូបនោះមានឈ្មោះថា Nur Febriani អាយុ ៣១ឆ្នាំ បានដើរចេញបន្ទាប់ពីមន្រ្តីម្នាក់នោះ ស្តីបន្ទោសឲ្យនាង ហើយមន្រ្តីរូបនោះ មានការមិនពេញចិត្ត និងប្រែជាខឹងតែម្តង។មន្រ្តីជនជាតិឥណ្ឌូនេស៊ីម្នាក់ បានស្រែកដាក់អ្នកបំរើស្រី នៅលើយន្តហោះម្នាក់ និងបានទះកំភ្លៀងនាង រហូតដល់នាងយំទៀតផង បន្ទាប់ពីអ្នកបំរើស្រីរូបនោះ សុំឲ្យគាត់បិទទូរស័ព្ទ មុនពេលយន្តហោះចេញដំណើរ។
រយៈពេលមួយម៉ោងក្រោយមក យន្តហោះបានធ្វើការចុះចត នៅលើកោះ Bangka Belitung និងជាខេត្តដែលស្ថិតក្នុងទីក្រុង Pangkalpinang ប្រទេសឥណ្ឌូនេស៊ី រំពេចនោះមន្រ្តីឈ្មោះ Zakaria Umar Hadi ក៏បានស្ទុះទៅទះកំភ្លៀង អ្នកបំរើស្រីឈ្មោះ Nur Febriani ថែមទាំងបានស្រែកដាក់នាងខ្លាំងៗ រហូតដល់នាងយំតែម្តង។
យ៉ាងណាមិញ អ្នកដំណើរដែលនៅលើយន្តហោះនោះ បានធ្វើការបំបែក ហើយមន្រ្តីម្នាក់នោះ ត្រូវបានជម្លៀសឲ្យចុះពីយន្តហោះ ខណៈពេលដែលអ្នកបំរើស្រីរូបនោះ កំពុងតែយំយ៉ាងខ្លាំង៕
Thursday, 19 December 2013 18:07 ដោយៈដើមអម្ពិល ID:037
Thursday, 19 December 2013 18:07 ដោយៈដើមអម្ពិល ID:037
0 comments:
Post a Comment